მეტალო-პლასტმასის ნაკეთობების პლასტმასი წარმოადგენს პოლი-ვინილ-ქლორიდის (PVC) შენაერთს, რომელიც არის ქიმიურად არააქტიური მასალა. არ შედის რეაქციაში წყალთან და ჩვეულებრივ პირობებში არ გამოყოფს მავნე ნივთიერებებს. შესაბამისად მისი გამოყენაბა სრულიად უსაფრთხოა ადამიანისთვის.
პლასტმასი, თავისთავად წარმოადგენს კარგ თბოიზოლატორს, რაც უზრუნველყოფს ბინაში ტემპერატურის ეფექტურ რეგულირებას. გარდა ამისა პლასტმასის პროფილის კონსტრუქციიდან გამომდინარე, პროფილს გააჩნია რამოდენიმე კამერა რაც ერთი-ორად ზრდის მის თბოსაიზოლაციო თვისებებს.
მწარმოებლის და კლასის გათვალისწინებით პროფილს შეიძლება ჰქონდეს 3 ან მეტი კამერა. მასალის შერჩევისას კამერების რაოდენობა რათქმა უნდა გასათვალისწინებელია, მაგრამ არ წარმოადგენს გადამწყვეტ ფაქტორს. პროფილის სხვა მახასიათებლებია კედლების სისქე, პროფილის ზომა (სიგანე) და კუთრი წონა. გარდა ამისა მნიშვნელოვანი ფაქტორია საიზოლაციო რეზინის ხარისხი, რასაც სამწუხაროდ ნაკლები ყურადღება ექცევა შერჩევისას, მაგრამ ექსპლუატაციის დროს ყველაზე მეტ პრობლემებს სწორედ ეს კომპონენტი ქმნის.
თავისთავად, პლასტმასის პროფილი დრეკადი მასალაა, რომელის გეომეტრიულ მახასიათებლებზეც, ტემპერატურის ცვლილება უარყოფითად აისახება. ამ ნაკლის კომპენსაციისთვის მეტალო-პლასტმასის კონსტრუქციის უმნიშვნელოვანესი კომპონენტია ლითონის პროფილი, რომელიც მოთავსებულია პლასტმასის პროფილში და დამაგრებულია ხრახნებით. როგორც წესი პლასტმასის პროფილის მწარმოებლები გვთავაზობენ შესაბამის ლითონის პროფილსაც, რომელის გეომეტრიული მახასიათებლებიც ზუსტად შეესაბამება მოცემულ პლასტმასის პროფილს. გარდა გეომეტრიული მახასიათებლების ასევე მნიშვნელოვანია ლითონის პროფილის სისქე, რომელიც სასურველია 1.2-1.5მმ. ფარგლებში იყოს. ნაკლები სისქის ლითონის პროფილი ვერ უზრუნველყოფს სათანადო სიმყარეს ხოლო უფრო სქელი პროფილი იწვევს კონსტრუქციის დამძიმებას, რას ასევე უარყოფითად აისახება კონსტრუქციის გეომეტრიულ მახასიათებლებზე. დამძიმებული კონსტრუქცია განსაკუთრებით უარყოფითად აისახება მოძრავ დეტალებზე და ხელს უწყობს მათ მწყობრიდან გამოსვლას.
მოძრავი ელემენტები, ნებისმიერი კონსტრუქციის სუსტი წერტილია და გამონაკლისი არც მეტალო-პლასტმასის კონსტრუქციებია. ამის გამო საჭიროა კარგად შევარჩიოთ ფურნიტურა, რომელიც ხანგრძლივად მოგვემსახურება. რათქმა უნდა “ძვირია – კარგია” პრინციპი აქაც მოქმედებს, მაგრამ ამ შემთქვევაშიც შესაძლებელია გონივრული ბალანსის დაჭერა “ფასი-ხარისხის” მიხედვით. ფურნიტურის ხანგრძლივი და უპრობლემო ექსპლოატაციისთვის მნიშვნელოვანია გარკვეული პერიოდულობით მათი მომსახურება, რაც გამოიხატება მათ ვიზუალურ დათვალიერებაში, შეძლებისდაგვარად გაწმენდასა და შეზეთვაში. ასეთი მომსახურების შემთხვევაში, დიდი ალბათობით, მრავალი წელი უპრობლემოთ მოგემსახურებათ მეტალო-პლასტმასის კონსტრუქცია.
მნიშვნელოვანია გაითვალისწინოთ რომ, ნებისმიერი ფასის და ხარისხის ნაკეთობას შეექმნება პრობლემა თუ ის არასწორად არის დამონტაჟებული. ამიტომ, საჭიროა მონტაჟი შესაბამისი კვალიფიკაციის მქონე პერსონალმა განახორციელოს. კონსტრუქციის მხოლოდ შვეულში და თარაზოში გასწორება ხშირ შემთხვევაში არასაკმარისია და საჭიროა ხოლმე გადაწყვეტილების ადგილის შესაბამისად მიღება. ასეთ შემთხვევაში კი მნიშვნელოვანია სპეციალისტის გამოცდილება და პასუხისმგებლიანობა რათა კონსტრუქციის შემდგომი ექსპლუატაცია უპრობლემო და კომფორტული იყოს.
ჩამონათვალში ბოლო პუნქტია, მაგრამ სწორედ დაგეგმვით იწყება ყველაფერი. დღევანდელი ტექნოლოგიების, მასალების და ინსტრუმენტების გათვალისწინებით პრინციპში ნებისმიერი კონსტრუქციის მოწყობაა შესაძლებელი, რომელსაც დამკვეთი მოითხოვს. თუმცაღა ყოველთვის გასათვალისწინებელია დროის განმავლობაში როგორ იმუშავებს ესა თუ ის კონსტრუქცია, რამდენად მოხერხებული, უსაფრთხო და შესაკეთებლად მარტივი იქნება. ასეთი დეტალების შეთანხმება და განხილვა ხდება სწორედ დაგეგმვის ეტაპზე. სწორედ დაგეგმვის დროს ხდება დამკვეთის მოთხოვნების მიხედვით ოპტიმალური კონსტრუქციის შემუშავება და შეთანხმება.
დღეის მდგომარეობით, ბაზარზე წარმოდგენილია პლასტმასის პროფილების მრავალფეროვანი არჩევანი. მიუხედავად ამისა ხარისხის და ფასის გათვალისწინებით შეიძლება დაიყოს 3 პირობით სეგმენტად: პრემიუმ, საშუალო და იაფფასიანი მასალების სეგმენტი.
პრემიუმ სეგმენტში წარმოდგენილია ევროპული წამყვანი ბრენდების მასალები, როგორიც არის Rehau, Salamander და სახვა. ამ სეგმენტის ფასი შესაბამისად მაღალია და ზოგ შემთხვევაში საშუალო კლასის მასალებზე 2-ჯერ ძვირი ღირს.
ამგვარად, საშუალო კლასს მიეკუთვნებიან ძირითადად თურქული და ასევე ევროპული წარმოების პროფილები. ამ სეგმენტში არჩევანი ყველაზე მრავალფეროვანია და ფასი/ხარისხის შეფარდება ხშირ შემთხვევაში ოპტიმალურია.
დაბალი კლასის მასალების ერთადერთი უპირატესობა არის ფასი და ის როგორც წესი საკმაოდ დაბალია. თუმცაღა უნდა გაითვალისწინოთ რომ ასეთი მასალის გამოყენებით დამზადებული კონსტრუქცია დიდხანს ვერ მოგემსახურებათ. მათი გამოყენება გამართლებულია მხოლოდ მცირე გაბარიტის მქონე კონსტრუქციებში.
რაც შეეხება, მეტალო-პლასტმასის ფურნიტურას (საკეტები, სახელურები, ანჯამები…), აქაც არჩევანი საკმაოდ დიდია. ბაზარზე წარმოდგენილია მრავალრიცხოვანი თურქული ბრენდირებული და არაბრენდირებული ნაწარმი, საიდანაც ხშირ შემთხვევაში შესაძლებელია ფასი/ხარისხის ოპტიმალური ბალანსის დაჭერა. გარდა ამისა დიდი არჩევანია წამყვან ევროპულ ბრენდებშიც. ასეთ შემთხვევაში მოგიწევთ ზედმეტის გადახდა, თუმცაღა მიიღებთ გარანტირებულ ხარისხს.